Ævintýrið hófst árið 1907 í Englandi. Maður að nafni Baden Powell safnaði saman hópi drengja í fyrstu skátaútileguna á eynni Brownsea. Drengjunum var skipt í hópa sem Powell kallaði skátaflokka. Verkefni skátanna snerust um að bjarga sér við frumstæðar aðstæður. Þeir gistu undir tjaldhimni í stað tjalds og þeir þurftu að læra að kveikja eld og elda allan mat sjálfir. Nærri hundrað árum síðar starfa skátar um allan heim, bæði strákar og stelpur í hópi félaga og vina.

Skátar stunda útilíf, vinna að margvíslegum viðfangsefnum og taka þátt í alþjóðlegu skátastarfi. Krakkar þurfa að læra að bjarga sér án fullorðinna. Þannig er skátastarfið - þú lærir að vera viðbúinn og það er ævintýri líkast! Hvað gera skátar Skátar hittast almennt vikulega á fundum og vinna í hópastarfi að margþættum verkefnum, taka þátt í útilífi og alþjóðlegu skátastarfi. Hvort sem það er gönguferð, varðeldur, næturleikur, hellaferð, ging gang gulli gulli, hnútakennsla, tjaldútilega, skátavígsla eða kakó og kex þá er það ómissandi þáttur af skátastarfinu.

Drekaskátar (8-9 ára):
Fundartímar: alla miðvikudaga kl 17-18
Sveitarforingjar: Birgitta Heiðrún Guðmundsdóttir, Einar Valur Einarsson og Guðjón Hafstein Kristinsson

Fálkaskátar (10-12 ára):
Fundartímar: alla mánudaga kl 17-18:30
Sveitarforingjar: Hjördís Björnsdóttir, Jóney Ósk Kvaran, Sigurður Bjarki Hlynsson, Þór Tómasarson

Dróttskátar (13-15 ára):
Fundartímar: alla miðvikudaga kl 20-22
Sveitarforingjar: Liljar Már Þornbjörnsson

Rekkaskátar (16-18 ára):
Fundartímar: alla þriðjudaga kl 20-22
Sveitarforingjar: Baldur Árnason

Róverskátar (19-22 ára):
Starfa með sameiginlegu róversveitinni Ragnarök

Félagsgjöldin

Félagsgjöldin þetta árið eru 10.000 kr. fyrir jól og 10.000 kr. eftir jól en ef greitt er fyrir báðar annir í einu fyrir jól fæst 10% afsláttur. Einnig er 10% systkinaafsláttur af eldra barni. Hægt er að prófa 2 fundi án greiðslu í september en eftir það þarf skráningu að vera lokið og gengið frá greiðslum fyrir félagsútilegu, 7. október. Við viljum benda foreldrum á að skátar eru ekki tryggðir í skátastarfi en í flestum tilvikum er frístundatrygging innifalin í heimilistryggingum.

Útivera:

Skátalíf er útilíf. Eins og þeir sem hafa verið hjá okkur áður vita þá fer skátastarfið að miklu leyti fram úti því viljum við benda skátunum á að koma ávallt klædd til útiveru.