Fréttir

Félagsskýrsla Seguls

Mon, 12 Mar 2012 23:23:34 GMT

Núna hefur félagsskýrsla félagsins verið gerð aðgengileg á vefnum. Hún inniheldur yfirgripsmikla yfirferð yfir árið 2011, lög félagsins, starfsáætlun 2012 og ýmislegt fleira. Nálgast má skýrsluna hér

Aðalfundur

Sun, 26 Feb 2012 18:03:41 GMT

Aðalfundur skátafélagsins Seguls verður haldinn í skátaheimilinu Tindaseli 3 8. mars kl 20. Að vanda verður boðið upp á léttar veitingar fyrir fundinn en þær hefjast kl 19. Allir sem mæta í mat þurfa að skrá sig (nánar um það síðar). Að þessu sinni skal kjósa um aðstoðarfélagsforingja og gjaldkera. Hægt er að bjóða sig fram

Dagskráin og atkvæði eru eins og hér segir:

4.4. Rétt til setu á aðalfundi:
- Með atkvæðisrétt: Allir starfandi skátar í félaginu 15 ára og eldri , ef árgjöld þeirra eru
í skilum, og fulltrúi foreldraráðs.
- Án atkvæðisréttar: Allir starfandi foringjar í félaginu yngri en 15 ára, forráðamenn
skáta undir 16 ára aldri, fulltrúi stjórnar BÍS og fulltrúi stjórnar SSR og gestir sem
stjórn félagsins hefur boðið til fundarins.
- Allir ofangreindir hafa málfrelsi og tillögurétt á aðalfundinum

4.5. Verkefni aðalfundar:
1. Kosning fundarstjóra og fundarritara
2. Lögð fram skýrsla stjórnar - umræður
3. Lagðir fram endurskoðaðir reikningar – umræður - afgreiðsla
4. Lögð fram fjárhagsáætlun til eins árs – umræður – afgreiðsla
5. Lögð fram starfsáætlun til eins árs – umræður - afgreiðsla
6. Lagðar fram tillögur til lagabreytinga – umræður - afgreiðsla
7. Kosningar skv. lögum félagsins
a. Kosning stjórnar
c. Kosnings eins endurskoðanda til eins árs
d. Kosning þriggja manna í uppstillingrnefnd til eins árs.
8. Önnur mál

Landsmót skáta

Thu, 16 Feb 2012 00:31:10 GMT

Skráning á Landsmót skáta er í fullum gangi. Þar munum við fagna 100 ára afmæli skátanna á Íslandi og eiga góða stund saman. Skráning fer fram hér. Þarna skráið þið börnin ykkar og gangið frá greiðslufyrikomulagi. Þeir sem ætla í fjölskyldubúðir þurfa ekki að skrá sig eins og staðan er núna en munu þurfa þess þegar nær dregur. Nánari upplýsingar um mótið má finna hér.

Hellaferð fálkaskáta og drekaskáta

Mon, 24 Oct 2011 15:51:29 GMT

Kæru skátar og foreldrar/forráðamenn!

Á fundum í næstu viku (24. og 26. október) ætla fálka- og drekaskátarskátar í Segli í hellaferð. Mæting er kl 17:15 (korteri seinna en venjulega) á bílastæðið við grillsvæðið undir Vífilsstaðahlíð. Foreldrar eiga að sækja skátana á sama stað kl 19:00. Skátarnir eiga að hafa með sér hjálm og ljós. Hjóla- eða skíðahjálmar duga. Ef einhverjar spurningar vakna er sími skátafélagsins 567-0319.

Fálkaskátar: 24. október 17:15-19:00
Drekaskátar: 26. október 17:15-19:00

Sjá má bílastæðið á þessari loftmynd:
http://ja.is/kort/#x=359603&y=398512&z=8&type=aerial

Skátakveðja, Sveitarforingjar

Foreldrabréf og útbúnaðarlistar fyrir félagsútilegu

Mon, 03 Oct 2011 19:33:05 GMT

Foreldrabréfið sem skátarnir fengu sent heim í síðustu viku og útbúnaðarlistar fyrir helgina eru nú komin á netið.

Hægt er að nálgast það hér:

(Ýta þarf á Lesa hnappinn til að virkja tenglana)

Foreldrabréf

Útbúnaðarlisti

Equipment list (english)

Félagsútilega

Tue, 27 Sep 2011 09:29:40 GMT

Nú styttist í félagsútileguna sem verður 7.-9. október við Úlfljótsvatn.

Foreldrabréf fara heim með krökkunum í þessari viku, en einnig verður bréfið og útbúnaðarlisti sent í tölvupósti og sett hér inn á fimmtudaginn.

Mikilvægt er að ganga frá skráningu í félagið sem fyrst á www.skatar.is/skraning því ekki er hægt að skrá í útilegu nema búið sé að skrá í félagið á þessu ári. Þeir sem hafa verið áður verða að uppfæra skráninguna á hverju hausti. Þeir sem hafa greitt félagsgjöld fyrir haustönn eða allan veturinn fá afhentan félagsbol 2011 í útilegunni.

Skráningin í útileguna er svo á www.skatar.is/vidburdaskraning og skráningu lýkur að kvöldi 5. október.

Skátadagurinn

Mon, 26 Sep 2011 21:55:53 GMT

Skátadaginn héldum við hátíðlegan 1. september síðastliðinn. Við Andapollinn mættu um 250 manns og hófu með okkur 30 ára afmælisvetur félagsins. Boðið var upp á kanósiglingar á tjörninni, kassaklifur, brauð yfir eldi, klifur og að lokum voru grillaðar pylsur ofan í mannskapinn. Vonandi mun þetta vera upphafið af góðum vetri hjá félaginu. Skátafundir eru svo að hefjast hver á fætur öðrum og hvetjum við alla til að mæta.

Ný heimasíða

Mon, 29 Aug 2011 02:34:07 GMT

Eins og margir taka eftir þá höfum við tekið í notkun nýja heimasíðu með nýju kerfi sem á að auðveda okkur alla umsýslu á vefnum sem gerir hann vonandi líflegri. Við vonumst eftir að foreldrar, skátar og foringjar muni nýta sér vefinn betur. Samhliða þessu munum við gera breytingar á Facebook hjá okkur og fara að notast við síðu í stað þess að vera persóna. Hérna til hægri er hægt að "líka" við Segul og um leið sjá nýjustu færslurnar.

Þetta er í anda þeirra breytinga hjá okkur að opna betur fyrir samskipti við skáta og foreldra og nýta okkur betur þá möguleika sem eru á netinu til þess. Auk þess að minka pappírseyðslu. Við hvetjum því alla að líka við Skátafélagið Segul á Facebook og fylgjast reglulega með síðunni. Á næstu dögum munum við bæta við efni á síðuna um leið og það er klárt.

Segull í Svíþjóð

Mon, 29 Aug 2011 01:24:22 GMT

15 hressir skátar fóru á Jamboree í Svíþjóð í sumar. Undirbúningur hafði staðið yfir lengi og má segja að þetta hafi verið ný upplifun á skátarfi fyrir marga. Þarna voru nefnilega saman komin um 40.000 skátar frá um 150 þjóðum. En fjöldi þjóða er ekki einu sinni svona mikill á Ólympíuleikunum. Þarna voru allir vinir hvaðan sem þeir komu.

Skátafélög landsins heimsótt

Sun, 28 Aug 2011 01:52:34 GMT

Þessa vikuna og næstu verða kynningar á nýjum foringjahandbókum fyrir skátaforingja haldnar hjá skátafélögum um allt land. Fulltrúar frá BÍS heimsækja félögin og fara yfir í hverju breytingarnar felast, kynna bækurnar og þann stuðning sem félögunum stendur til boða í innleiðingunni. Útgáfuhátíð var haldin í Skátamiðstöðinni mánudaginn 22. ágúst þar sem ríflega 80 manns mættu að kynna sér bækurnar. Bókunum var vel tekið og margir foringjar eru orðnir spenntir að takast á við nýjar áskoranir.